Communique – Nettoyage et desinfection places public

1.     Tout les 12 collectivités locales a travers pays fine demarre enn l’exercise nationale de Nettoyage et desinfection azordi gramatin (18 mars 2021).
2.     Sa l’exercise la concerne nettoyage et désinfection Bus Stop, lagare (Traffic Centres) et places public à travers pays.
3.     En meme temps, pe fer aussi nettoyage bazaar pour maintenir propreté et hygiène kan pou réouvert.   
4.     Ena plis ki 100 employés municipalité et District Council ki mobiliser dans sa l’exercise la.
5.     Nettoyage et desinfection pe fer par moyen de lavage a haute pression et desinfectants. 
6.     L’objectif de sa l’exercise la c’est pou empesse propagation virus COVID-19 dans bane places public. 
7.     Le fait ki transport public fine reprend service depuis lundi dernier, sa l’exercise la pe fer pou protège la santé bane citoyens, en particulier, bane écoliers ki pou prend l’examen a partir de la semaine prochaine. 
8.     Ministere pe compte lor collaboration et comprehension tout bane dimounes ki pe voyager pou respecter bane gestes sanitaires.  

Ministere collectivites locales, gestion catastrophes et risques

Jeudi 18 mars 2021